منتديات عشاق الانمي
أهلا وسهلا بك زائرنا الكريم نتمنى منك الأنضمام لاسرة عشاق الأنمي
والتمتع بمواضيع المنتدى بالضغط على زر التسجيل
أما اذا كنت عضوا فنرجوا منك الضغط على زر الدخول
ونرجوا للجميع المتعة والفائدة ونتمنى من الجميع تقدير الجهود المبذولة
من قبل الأعضاء وتقديرها ولو بكلمة شكر
مع تحيات أدارة المنتدى

cheers

منتديات عشاق الانمي


 
الرئيسيةالبوابةاليوميةس .و .جبحـثقائمة الاعضاءالتسجيلدخولموقع لرفع الملفات

شاطر | 
 

 نكت عراقية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاشق ناروتو
أدارة المنتدى
أدارة المنتدى


معلومات العضو

ذكر
عدد المساهمات : 1236
نقاط : 5209
تاريخ التسجيل : 22/02/2011
العمر : 25
العمل/الترفيه : ممارسة فنون القتال-متابعة الأنمي-الرسم

مُساهمةموضوع: نكت عراقية   الأربعاء فبراير 23, 2011 7:12 pm

بسم الله الرحمن الرحيم

باختصار اقدم مجموعة من النكت العراقية وانشاء الله تعجبكم[i]



أبو خالد سمع الناس تحچي بالإنتخابات.. گال: آني إذا ترشح علاوي أنتخبه.. _لأنه (من وره) كل علاوي يجي كل الخير4) الرئيس القائد الفلته.. مرة جمع القيادة.. گللهم: راح نسوي إنتخابات ، بس اللي يرشح نفسه لازم إسمه يبدأ بحرف صاد وينتهي بحرف ميم... گام عزت گال: آني سيدي.. گلله:شلون ولك إنته؟ گلله: سيدي مو إنته مرة من ردت احچي بالإجتماع گتلي: إنچب صرم.
د5) دليمي راكب بهليكوبتر... گال للكابتن: بروح أبوك ماتطفينه المروحه الفوك.. تراهه بردت شويه.
6) كردي سمع إنه أهل الفلوجه مسويلهم چم عمليه.. گال: شنو يعني؟؟ صباح اللبنانيه وح_دهه مسويه عمليات أكثر منهم.
7) واحد راح يشتري دوه لأبوه من الصيدلية، رجع لگاه ميت، گال: شوف السخيف.
8) بدوي بأمريكا شاف بعير گال: يمه شنو هالوحش !! التفت له البعير وگلله: علينا يا گطران؟
9) دليمبي_ هوه ومرته إجه يمهم صاروخ، صاح بمرته: إنبطحي ولچ!! گالتله: هوه هسه وكتهه؟1ب) لبناني بتعرف على وحده صينيه، گاللها: شو إسمك؟؟ گالت: مي ـ شان ـ شو.. گال: ميشان نتعرف.
11) ابو بريص سكران يگل لصاحبه: والله لوما الشرب والنسوان جان هسة اني باقي تمساح.
12) شايب عمره 90 سنة، اتزوج بنية عمرهه 15 سنة ، بليلة الدخلة سألها: بابه انتي تعرفين شيسوون من يتزوجون؟؟ گالت له: لع، راح ليغاد .. صفن.. گام يحچي ويه نفسه: هاي اشلون ورطة؟؟ البنية متعرف وآني نسيت!!
13) سوداني عندة بواسير الدكتور ماگدر يندل وين الفتحه ... گام رش عليه طحين وگاله: اضرط إبني.
14) سايق (كيّا)، ماخذ حباية فياغرا، وگفته وحده، گالتله : وين واصل ؟؟؟ گلهه: للدعاميه.
15) سألوا دليمي: انته اتدخن ؟؟؟ گلهم: والله من امشي ما اباوع ورايه.
16) كردي لگه كنز.. گال: بقت بس الخريطه.
17) محشش خابر الشرطة، گاللهم: انباك الدشبول والستيرن مال سيارتي.. وره شويه خابرهم گاللهم: العفو شباب سامحوني ... جنت گاعد بالمقعد الخلفي.
18) كردي سمع انه الجزر يقوي النظر.. راح اشتره گونية جزر وگعد يتباوع عليهه
19) واحد گال للبگال: عندك سكر؟؟ گال: نعم.. گال: الحگ ..الصليب الاحمر جايبيلكم خوش ادويه.
20) محشش فتح الثلاجه شاف الجلي يرجف گلله: لا تخاف ما آكلك.. جيت اشرب مي بس.
21) مصلاوي مات ابوه... گلله المغسلچي انطيني 1000 دينار مال الغسل. گال: إشدعوه؟؟ قابل مغسل بي أم ؟
22) واحد توّه گايم يصلي، راح للحسينية گاموا يتفيكون براسه واحد يگلله دنّي تربتك عليمنه واحد يگلله شويه عاليسره الى ان طگت روحه.. بگاللهم: اگلكم.. تره هسه أبطل .. هيه صلاة لو ضربة جزاء؟
23) أكو فد گمل وگملايه بستوهم متزوجين گاللهه: وين تحبين تگضين شهر العسل؟؟ گالتله: يمدحون بشعر هيفاء وهبي.
24) وحده تگل لزوجها: جيراننا كل ما يطلع يبوس مرته، ليش ما تسوي مثله؟ گللهه: تعتقديهه توافق؟؟
25) مصلاوي واگف بالبلكونة... إبنه إجه من بعيد يصيح: بابا بابا بابا بابا... گاله: ولك .. ابن الكلب.. بابه وحده كافي.
26) مصلاوي مات... لگوا بوصيته مكتوب ( آني مغسل .. لا تغسّلوني ).
27) تلاثه من الناصريه رادوا يبوگون بنگ، فقسموهه بيناتهم: واحد يبوك و واحد يراقب ........ وواحد يروح يبلغ الشرطة.
28) تاجر مخدرات كردي كتب على باب الگهوه مالته : يوجد لدينا طحين نقي جدا
29) شيخ جامع من الناصريه قرريسوي محاضره للعميان عنوانهه: نعمة البصر.
30) جبان سمع صفارة الانذار، شرد.. گالوله: تره ديجربوهه گال: واني همينه دا اجرب الشرده.
31) واحد احول ماشى بجنازة امه يصيح: آخ... ياويلي.. هم امي وهم خالتي .
32) بياع شرّه مال سيارات راح يخطب أبنيه گالوله: المهر مال بتنه خمس ملايين، گال: مَيصرّف.. حصّلت وحده بمليون وحامل.
33) أحول تزوج على مرته... طلعت هيه نفسهه.
34) واحد باك سياره.. راح يبيعهه انباگت منه.. گالوله: بيش بعتهه گال: بفلوسهه.
35) خروف خانته نعجة، وگف تكسي ... گلله اقرب مطعم باچه... خره بهيچ _حياة .
36) واحد غابت روحه صاحوا الناس: جيبوله مي .. گال: ماكو سفن؟
37) جريده بالناصرية نشرت صورة واحد يعبّر فد أعمى الشارع، كتبوا جواهه (متى تنتهي هذه الظاهرة؟)
38) شيخ جامع ستوّه متخرج، گعد يخطب بجماعه: من عطس منكم عطسة ولم يتبعها بـ( الحمد لله) فهي باطلة.
39) كردي تزوج.. بليلة الدخلة گام بس يبوّس بمرته.. اخيراً ضاجت، گالتله: شنو متريد شي من جوة؟ گاللهه: إي والله، جيبيلنا ببسي وجكاير.
40) واحد متدين صاحبته گللتله: أهلي ماهُمّه بالبيت، تعال يمي.. گاللهه: إذا خايفة أقري المعوذتين.
41) كردي ودة البغل للضريبة العامة.. شبعوه كتل...گال: والله عبالي الزريبة.
42) دليمي قرة بالجريده إنه بالصين كل دقيقه ينولد طفل.. گال: هذا التطور، مو مثلنه كل 9 أشهر.
43) ثنين سكاره وگفهم شرطي المرور گال: شاربين؟؟ گالوا: لا.. گال: لعد ليش ثنيناتكم عيونكم حمر؟؟ گالوله: مو إحنه گرايب.
44) أحول يتحارش بوحده حوله گاللهه: اللي عاليمنه أحلى وحده.. ردت عليه : أما صدك إنتو جوگه مال أدبسزيه.
45) دليمي مخيم بالصحراء،دخل عليه واحد گلله: آني تعبان من الشمس.. گلله: تشرفنا ، وأني حمادي من الأرض.
4بب6) كردي سأل صاحبه: هيه مصر بعيده؟؟ گلله: ما أعتقد، لأن المصري اللي بصف محلي يوميه يجي عالبايسكل.
47) كردي حزّر صاحبه، گلله: اذكرلي اسم حيوان برمائي.. گلله: تمساح.. گلله: بعد حيوان ثاني.. گلله: تمساح ثاني.
48) طالب بدوي، گلله المعلم: إذكرلي اربع حيوانات.. گلله: چلب وتلث بعران إستاد.
49) شاب دليمي، كامش بيده سيم وواگف براس الدربونه.. گالوله: ليش؟؟ گال حتى البنات تگول عني: شوفوا هذا ... شاب وسيم.
50) دليمي رايح للحج وماخذ وياه دودة گال: سمعت إنه الحج أيام معدودة.
51) واحد من المنصور أبو_ه هداله كتاب ديني.. رجع ورة إسبوع لگاه متحجب.
52) سوداني سجل بمدرسة بمسائي، كلما ينطفي الضوه يضحك.. حتى لايسجلوه غايب.
53) واحد راح يخطب بنيه ، أبوهه سأله: إنته تدخن؟؟ گلله: لا، بس مرات من أسكر ويه البنات بگعدات القمار أجرلي چم جگارة حشيشه.
54) بدويه بمحو الأميه.. گللتلهه المعلمه: أريد جملة فيها (إدغامٌ بـِغـُنـّة) گالتلهه :عمن يعميچ.
55) واحد.. الفگر ثاوله.. ضحك للدنيه تفلت بوجهه.
56) واحد يشتغل بالمعارض مال البياع، إجاه مولود گال للممرضه: الله عليچ لاتغسليه، خلي بترابه.
57) أكراد زوّروا أبو العشرتالاف كشفوهم شلون؟ لأن كاتبين عليه: أم عشرة ألف.
58) بإنفجار مقر الأمم المتحدة ببغداد راح كردي يدور على صديقه، فوگف يم واحد صيني متمدد عالسديه ويصيح (شن شان شو شي شا...) گال الكردي يمكن ديوصي خللي أكتب الوصيه... فلما مات الصيني أجوي يقرون الوصيه لگوا الترجمه تعني( ولك وخر رجلك عن صوندة الأوكسجين تره راح أختنگ وأموت).
59) كردي راح يصلي بالصحن مالت النجف ، طبت جنازه، گال: إيه.. يمكن أجه العشة.
60) واحد صعد بتكسي، گال للسايق: نادي الشباب من رخصتك گلله: متناديهم أنته ليش آني أشتغل عد الخلفوك؟
61) حرامي نجح إبنه، گلله: إبني شنو رايك بسيارة الجيران؟
62) غنام، بليلة الدخله ما لگه موضوع يحچي بيه، گال للعروسه:ماعندج علم إذا أكو طليان للبيع منا؟ مناك؟؟
63) واحد بالمطار كمشوا عنده بودرة بيضه.. گالوله: شنو هذي هيرويين؟؟ گال: لا هذي جمرة خبيثة، الهيرويين هنا بهذا الجيب.
64) أحول لگه فردة نعال گال: شلون صدفه؟ كلما ألگه زوج نعل يطلعن متشابهات.. ؟
65) واحد تعارك ويه مرته، _گطفهه من الشباك، وكعت بالشارع، شافهه فد سكران، گام باسهه.. هيه هم باسته.. السكران صفن... گال: عجيب، بعدهه تشتغل ليش ذابيهه؟
66) واحد سمع المعلق يگول: فاول..فاول لصالح رونالدو.. گال شنو أسـلَمْ ؟ صاحبه گلله:لا ، أعتقد هذا إبنه
67) الصوماليين رجعوا شاحنات المساعدات مال الأدويه للصليب الأحمر.. گالوا شنسوي بيهه إذا كلهه وره الأكل؟؟
68) دليمي قدم على وظيفه گالوله: شنو شهادتك گال: _ابتدائية، وأعرف واحد يدرس بالصناعة.
69) وحده گلت لرجلهه: انته ليش إسلوبك ويايه حقير، گلهه على طاري الحقاره... شأخبار أهلچ؟
70) كردي سألوه شنو رأيك بالزواج المبكر ؟ گال:والله كلما من غبشه أحسن.
71) واحد من المنصور دزه أبوه يشتري طلي، راح جاب واحد كلش ضعيف، گلله أبوه: بابا ليش جبته ضعيف؟ گلله بابا ماعليك بالجسم، شوف العيون!!
72) مدرس سأل طالب كردي گلله :إبني شتصير من تكبر؟ گلله: شايب إستاد.
73) واحد مالگه موضوع ، سأل صاحبه: أبوك الله يرحمه أشو من مات ليهسه ماسمعناله خبر؟
74) ثنين سكارى، واحد منهم عثر گال: بسم الله.. الثاني گلله شلون تگول هيچي؟؟ إحنه مو كفار؟؟ گللـه: إي صدك.. لعد أستغفر الله.
75) وحده مستويه، گالت لواحد: بوسني.. گاللهه: لا دليمي.
76) مصلاوي مات وخلف 24 ولد و 2650 دينار... لكوه كاتب بالوصية: إشتروا بيهن صندوك بيبسي وتقاسموه بيناتكم .
77) دليمي گال لأبوه: يابه أريد أدرس برّه.. گال له: خللي أمك تفرشلك بالحديقه. 78) دليمي اشتره لإبنه شبح، گال له: مشي بيهه حالك لما أحصللك لادا زينه.
79) دليمي گال لمرته: اليوم أريد منّچ رومانسيات، خابرت لأمه سألتهه: شنو رومانسيات؟؟ گلتلهه: والله _يمه ما أعرف، بس للإحتياط نگعي الباكلله وسلگي اللحم.
80) عجمي عطس يم مصري ، ترس وجهه تفال، المصري گاله : أنته أرفتني، الكردي رد: والله ..يمكن أأرفك بس ناسيك؟
81) واحد أبوه دجال، سأله المعلم: شنو أدوات النصب.؟ جاوبه: لحية وسبحه 101 إستاد.
82) دليمي راح يحلل بوله، گالتله الممرضه: بولك سكر، جاوبهه: إنتي اللي خراك عسل.
83) كردي راح لطبيب أمراض زهرية.. گلله: دكتور... زهري يوجعني.
84) كردي فاتته التاتا.... لحگهه بتكسي.
85) گصاب مات.. شيعوه الچلاب.
86) مدير نادي تأهيل المعوقين من الناصرية، أول ماتعين گاللهم: حضروا حالكم.. باچر عدكم سباق طفرموانع.
87) واحد ديتعرف على بنيه.. گلهه تشربين؟ گالت: لا.. زين تدخنين؟.. هم لا ، عندج علاقات؟ لا.. گال : معقوله ؟؟ گالت: ملليت من هالشغلات.
88) واحد گال لصاحبه: تكتم السر؟؟ گلله: سرك اببير.. گلله: زين تداينني چم فلس؟.. گلله: شوف؟ ولا چني سمعت.
89) وحدة گالت لزوجها: أربطني بالسرير وسوي اللي نفسك بيه .. ربطها بالسرير وراح نام ويه صاحبته.
90) وحدة إبنهه ضاع منهه بالسوك، گامت تبجي.. گالولهه: إذا إبن حلال ميضيع.. گالت: ياويلي!! راح الولد.
91) أبو معرض سيارات بالبياع..سألوه: منو أفضل المطربين بنظرك؟ گال : مايكل داتسون و مازده الرومي.
92) واحد سأل صاحبه. : شنو اخبار الوالد؟؟ بعدين تذكر انو والده ميت فكمل بسرعة: بعده بنفس المگبرة ؟؟
93) واحد صادقله مخلوق فضائي، گلله: صدك الدقيقة عدكم بمليون سنه عدنه؟؟ گلله أي، گلله: زين وصدك الدينار عدكم بمليون عدنه؟؟ گلله: هم أي.. گلله: زين ماتنطيني فد دينار.. گلله: انتظر فد دقيقة.
94) حشاش راح للبانزينخانه گللهم: أريد قنينة غاز.. گالوله: روح جيب وحده فارغة.. گال:لا ..أشربهه هنانه.
95) مخنث بالصحراء يندعي: يا إلهي اريد مي، حته لو قطره،هناك نزلت عليه قطره گام بلل بيهه گذلته .
96) نعجه بالسجن سألوها: ها؟ همينه دعاره؟ گالت: لا ...هالمرة كمشوا عندي حشيش.
97) دليمي سمع عن جمع تبرعات لمستشفى الأمراض الصدرية ... تبرع بألف ستيان.
98) كردي سألوه شتحب اتصير بالمستقبل گال: خبير روسي.
99) سكران وگع من الطابق العاشر گام يندعي: يا إلهي آخر مره.. يا إلهي آخر مرة، وگع على كومة قش، گام گال: صدك السكران تجي براسه شغلات.
100) كردي مات أبوه گال للدفان: بيش أرخص گبر؟؟ گلله: بالميت تسعين ألف.. گلله : زين وإذا الميت من عدنه؟
101) مصلاوي گال لولده: اللي مايتعشه اليوم انطيه ألف.. گاموا كلهم ماتعشوا وأخذوا ألف ألف... بالليل گام باك فلوسهم ، الصبح گاللهم: اللي مضيع الألف مالته ميتريگ اليوم .
102) واحد ناصرية جبروه يتبرع بربع راتبه لدعم الانتفاضة بفلسطين، گام تبرع بالباقي لأسرائيل.
103) سكران عثر ووگع، گالوله جماعته : همزين إجت سلامات.. گال: شجابهه بهالليل يم السكاره؟
104) ياباني بالسماوة.. راح يشتري عشر قواطي كولا، گال لأبو المحل : توكو هاتاهو توياكا كولا.. گلله ابو المحل: عشر قواطي شنو؟؟؟؟
105) ناصريه شاف واحد يصيح: راح أغرك الحگلي يمعود ... گاله: أخي هذا يومك وهذي إرادة رب العالمين... تعذرني.
106) دكتورگال لمريض: مع الأسف ماباقيلك غير عشرة وتموت.. گاله المريض: عشرة شنو؟؟ أيام.. أسابيع شهور ؟؟ رد عليه الطبيب : تسعه....ثمانية.... سبعة.....
107) عتوي لحگ بزونه ، شردت منه فسحگتهه سيارة.. إجه يم راسهه گاللهه: هسه خللي شرفچ يفيدج.
108) واحد سأل صاحبة: گللي البواسير بالسين لو بالصاد؟.. گلله: بالطيز.
109) دليمي سأل أبو الصيدلية: متگللي شنو الفياغرا الخابصينه بيهه؟ گاله : حباية تخليك تسوي مرتين ..تلاثة.. أربعة باليوم .. گلله : آها.. گول مهديء وريحنا.
110) واحد راح للشيخ يسأله، گلله: شيخنا ..عندي جن بالبيت شسويله؟ گلله حطله عصير ليمون وإندعيلي.
111) سألوا واحد: شلونك ويه رمضان هالسنه؟ گال: والله لوما الوضوء چان متنه من العطش.
112) سكير صلى العصر ركعتين گالوله: تره العصر اربعه.. گال: أعرف بس جاي أخفف لأن ناوي أترك .
113) هندي تعارك ويه واحد عراقي راد يگلله : ابن الگحبة ، مادبرهه ... گلله: انته سوا سوا صدام .. ماما واحد .. بابا كتير.
114) سوداني راح يشتري جگاير، گال لأبو المحل: كنت أبيض... گلله أبو المحل: لو تحلفلي بمية يمين هم ماأصدگك.
115) سكير سأل شيخ جامع، گلله: صحيح الصلاة ماتصير إذا الواحد شارب؟ گلله: طبعا.. گلله: شنو رأيك سويتها وصارت؟
116) بزونه زغيره سألت أمهه: ماما منو أبويه؟ گللتلهه والله بنتي ما أعرف ساعتها چنت ماده راسي بتنكة الزبل.
117) أخطبوط يبچي.. گالوله ليش ؟ گال لأن ما أندل إيديّه من رجليّه.
118) سكران گعد الصبح سأل مرته: گلليلي الواير مال گلوب التواليت متدندل عالباب؟ أشو أفتحهه يفتح، أسدهه ينطفي؟؟ گالتله : لا.. گلهه لعد بلت بالثلاجه.
119) لبناني تزوج كردية: گاللهه: صحيني بكير وقليلي بيضتين... هيه همينه الصبح گللتله: إكعد... بيضتين.
120) كردي وده إبنه لمدرسة المتميزين، گللهم جبتله لعبة مكتوب عليهه 3 إلى 9 سنوات بس هوه ماشاء الله حلهه بسبع تشهر.
121) ثنين هنود حمر گاعدين عالجبل يتناقشون، الاول گال: والله الأمريكان يسمون أسماء غريبه.. جورج .. باتريك .. جون؟؟ الثاني گلله: كلامك مضبوط ياعزيزي (طيز الدب).
122) واحد تعارك ويه دليمي، گام يفشر: إبن الكحبة.. روح شوف أمك بيا حضن؟...هذا همينه أخُذ المسدس وروح لأمك.. لگاهه بحضن أبوه.. گال له: مع الأسف.. توقعتهه من كل الناس ..ألا منك .. وقتله.
123) فلسطيني راح لمكة... شاف الناس تشمر حجار... گام جاب تاير وحرگه .
124) واحد دزته أمه على أوتي من جيرانهم..نزل اول درجه گال:هسه راح تگللي دير بالك عليه..ثاني درجه گال: بعدين حتگللي رجعه بسرعه... الثالثه گال: وراهه راح تگللي مو تنسوه معلوك... وصل دك الباب، فتحتهه..؟ گلهه: شوفي.. خرة بيچ وبالأوتي مالتچ.
125) وحده تحچي ويه روحهه: إذا ما إجت هالشهر راح آكل تبن... سمعتهه صاحبتهه گالتلهه: شنو هيه؟ ورقة الراتب؟ گالتلهه لا.... العادة.
126) واحد سأل صيدلي كردي.. گلله: عندك دوة مال صراصر؟ گلله خير شبيهن؟
127) كردية رادت تگتل رجلهه.... حطتله مسدس بالشوربة.
128) واحد گاعد بالطيارة يم جيمس بوند بس مايعرفه... سأله شسمك ؟ گال له : بوند ... جيمس بوند.. و أنت شسمك ؟ گال له : هيم.....إبراهيم.
129) واحد گال لأبو المطعم: عندك أجنحه؟ گلله : إي .. گلله لعد أريدك تروح طاير وتجيبلي نفر كباب.
130) دليمي گل لصاحبه: سمعت بهذا اللي وگع من عمارة عاليه و3 أيام يالله وصل للگاع؟ گلله: ومات؟؟ گلله: شوف هذا الغبي يگللي مات..أگلله3 أيام لا أكل ولا شرب عجل شلون مايموت؟
131) ولد گال لابوه: بابا .. اليوم اخذت عشره, گلله ابوه: عفيه وليدي.. رد الولد: بس من جزدانك يابه.
132) توأم شاف أخوه، گلله: وينك يمعود ..؟ مو أهلي طهروني مرتين.
133) كردي سمع كلمن يموت بساعته.... گام كسرهه.
134) أحول طلع من السينما فرحان... شايف الفلم مرتين.
135) معلم يدرس أكراد... يكتب وهمه يكتبون وراه... مسح السبورة، گاموا كلهم مسحوا الدفاتر.
136) فلاح مربّي أرانب بالمزرعه مالته، كل يوم ياكلن 20 كيلو جزر.. آخر _شي ضاج گام شلع سنونهن... إجه وره يوم شاف الجزر خلصان.. گاللهم: وين الجزر؟؟ گالوله: ثويناه عثير وثربناه.
137) واحد گل لصاحبة: ماظلت وحدة بنفسي من البنات ماخلليتهه تركض ورايه.. گلله صاحبه: شچنت تسويلهن؟؟ گلله: أبوك جنطهن...
138) هالمرة صاحبه گلله: لعد آني يسموني منشف ريگ البنات... گلله: شلون؟؟ گلله: من كثر مايتفلن عليه.
139) واحد ناصريه ديموت.. بآخر نفس ويوصي ولده بالخباثة... أخير شي راد يتشاهد، گام الزغير سد حلگه.
140) كردي راح ضيف يم شيخ الدليم.. صاح الشخ: جيبوله دليمية.. الكردي كيّف گال: أي والله... صار مدة ما متونس.
141) كردي صار شيعي... گالوله: لازم تصلي عالتربة.... گال: أللهم صلي عليها وسلم.
142) جحش گال لصاحبته: كل أمنيتي أكبر وأصير زمال وأجي أخطبچ من أهلچ.
143) واحد ترك الصلاة أيام الإمتحانات.. گال: أريد أعتمد على نفسي.
144) واحد گعدته أمه لصلاة الجمعه.... گلهه: ما أروح للجامع اليوم .... راح ينقلوهه مباشر.
145) واحد من الناصرية إسمه رزق الله.... صار عنده ولد سماه گاطع.
146) دليمي طلع من السينما... گالوله: شلونه الفلم؟؟ گال: ليش هوه آني لحگت أسلم عالگاعدين حتى أشوف الفلم؟؟
147) مصلاوي طاح من السطح.. هوه وواگع مر على شباك المطبخ.. گل لمرته: لتحسبين حسابي عالعشه.
148) حكم كرة قدم مر من يم جامع... سمع الشيخ يگول: الله هو الغالب، الله واحد... گال: لعد ذولاك أكيد صفر.
149) وحده شردت من أهلهه... ركبت تكسي... گاللهه: وين ترحين؟؟ گالتله: آني لأهلي ماگلتلهم.. أگللك إلك؟؟
150) دليمي دز لمرته ثريات ثنين كرستال... خابرهه: شنو رأيج بيهن؟؟ گالتله: حلوات حيل... بس مو شويه كبار على الإذانات.
151) إيراني تزوج يابانيه..... صار عدهم ولد سموه: آية الله سوزوكي.
152) واحد إعجوزچي، صار بيه شلل ،كيّف ... گال : ما أگدر أوصفلكم شعوري خاف أگوم أمشي من الفرح .
153) كردي إجه يدخل للبار، شاف مكتوب: ممنوع الدخول دون 18..... راح جاب 17 واحد وياه .
154) إحول إنطخ راسه بالحايط، صاح: آخ رجلي.
155) كردي گالوله: إذا تريد تصارح صاحبتك.. إشمر عليهه وردة... رجع گاللهم: ماتت... نسيت أشيل الورده من المزهرية.
156) دليمي إحترك بيته... إجوا الأطفاء.. گللهم: بالحرام، ماتطفونهه إلا إتعشّون.
157) صرصر كاشخ عل آخر... وگف تكسي ... گلله: بلوعة الشيراتون من فضلك.
158) واحد كتل أمه وأبوه.. گل للحاكم: شكيت بيناتهم علاقة جنسية.
159) صرصر إنتحاري... فجر نفسه بمعمل الـ(بف باف).
160) مصلاوي راح للناصرية... گاموا وين مايشوفوه يمزگون فلوس گدامه.
161) واحد گل للإمام: آني شفت فلم سكسي... شلون أستغفر؟؟ گلله: كفارتك تتفرج على قناة السودان 3 أشهر.
162) وحدة وگعت بالدرج.. إنفصخت رجلهه.. انطاهه الطبيب مرهم، گللهه حطيه على مكان الوگعه.... راحت حطته عالدرج.
163) واحد من سوك مريدي... إشتره حليب طلع إكسباير... گام زور التاريخ مالته وشربه.
201) شروگي الله رزقه بعماره.... إشتغل بيهه حارس.
205) واحد لابس جواريب خضر... لأن خضر لبس جواريبه.
206) عجوز شافت مراية مشموره بالشارع.. شالتهه وتباوعت بيهه.. گالت: آها.. أگول ليش ذابيهه.
208) كردي لازم فردة حذاء ويعامل أبو المحل: كاكا بيش هاي الحذاء؟ كال له: بسبعتالاف.. كال له: زين واذا اخذنا الفردتين متنزللنه شويه من السعر؟
210) كردي دعمته سياره، سأله المحقق(هم كردي )شگد رقمهه؟ گال: 2499 گال له المحقق: أها.. يعني گول 2500
216) واحد مصادقله مصري.. گال له: تدري الحياة كلهه مآسي ؟ المصري گال له: ليه..هوه مآسك كام؟
217) دليمي عنده بواسير.. راح للدكتور ..گال له: دكتور مروتك..أريدك تحط كل خبرتك (بـطيزي).
218) عجايز تلاثه رادن يتزوجن.. كتبن إعلان (تزوج واحده.. وأحصل على إثنتين مجانا).
219) واحد (مخنث) قدم على كلية الشرطه .. گالوله بأي قسم تريد؟ گال: قسم (الأعيره الناريه).
220) صرصر مرته زعلت اوراحت يم أهلهه.. راح يصالحه گالتله: ما أرجع إلا تسجل البلوعه بأسمي.
222) دليمي كل مرة يطبگ باب الثلاجه على كيف .. گالوله ليش؟.. گال: أريد أعرف منو يطفي الضوه جوه؟
223) واحد راح للطبيب گال له: دكتور عندي حالة نسيان شديد.. گال له الطبيب : ومن إشوكت عندك هذي الحاله؟ .. گله: ياحاله دكتور؟
224) دليم تلاثه أخذوا مقـاولة مد الكيبل الضوئي من بغداد للرمادي وقسموا العمل بيناتهم واحد يحفر وواحد يمد الكيبل والثالث يدفن..غاب اللي عليه شغلة مد الكيبل.. الجماعه إستمروا واحد يحفر وواحد يدفن.
225) گالوا لسعدي الحلي: منو أشعر شعراء العرب برأيك؟ گال : بدون تردد... الخمســـــــــاء.
227) وحدة سمينه حيل، أشّرت لأبو الربل(عربانة أم الحصان)، گللهه: يلله اصعدي بسرعه لا يشوفچ الحصان.
228) احول دخل بالجيش .. حطوه بقسم القصف العشوائي.
229) تاجر مصلاوي شاف روحه يوزع فلوس بالحلم، صحه من النوم گال التوبه إذا أنام بعد.
234) بدوى اول مرة يشوف فلبيني گال: هنياله شبعان نوم.
235) وحده تعرفت على كردي سألته: شسمك گالها: إسمي يبدأ بحرف الزاء گالتله: أكيد زهير گالها : لا گالتله: زكي گالها : لا گالتله: لعد زامل گالها : لا.... (زافــر).
236) هلمرة الكردي سألهه وانتي شسمچ..هيه إسمهه (قمر) فرادت إتفيك براسه گالتله إسمي على إسم شي يطلع بس بالليل ويبدي بحرف القاف گاللها:أها.. عرفته...... قحبة.
237) واحد ناصرية سمع أكو مجاعة بأفريقيه ،گام دك رقم لاعلى التعيين بالصومال، وتتريع وسد السماعة .
238) دليمي عمره 8 سنوات يسوق سيارة ، سالوه منينلك؟ گال: كتبت لأبويه ويه القرطاسيه مقطاطه أم السياره، جابليّاهه ويه المقطاطة.
239) مصلاوي ربط حبه فياجرا بخيط وبلعها، لما خلص سحبها.
240) واحد گال لخطيبته: إشچانوا يدلعوج وانتي زغيرة؟ گالتله: ميمي ... وانته؟ گاللهه: ابو خنـّينه.
241) كردي ضيع مفتاح سيارته اجوي الناس يساعدوه، فتحوله باب السياره بالدرنفيس، گام سوه نسخة من الدرنفيس.






242) دكتور كسور وعظام كلما يطلع بالليل تلحگه الچلاب.
243) واحد ناصريه سكن بالنجف، يوميه يإخذ المسجل مالته ويروح للمگبره، يفتر بين الگبور إمعلـّي صوت المسجل على اغنية (الحياة حلوة).
244) مصلاوي سأل مرتة إشطابختلنهة اليوم؟ گالت باگلله ودهن، گاللها حــــيل!! طبختين بوجبه وحده؟
246) الأكراد سووا مظاهرة تضامن مع الفلسطينيين..... لبّسوا واحد منهم شارون، وحركو .
(24) واحد حب يتذكر ايام الطفوله... بال على نفسه.
249) دليمي راح للصيدليه طلب كارتونين نيفيا، الصيدلاني گال له: إشدعوه هالكميه؟ گال له الدليمي: يمعود بس خادمك حمودي يتريگ باليوم باربع علب.
251) كردي اشتره حذاء , فگال له أبو المحل : تره أول تلثتيّام راح يزعجك بالمشي .. گام لبسه رابع يوم.
252) اثنين يچذبون واحد عاللاخ, الاول گال:دتشوف ذيچ النملة اللي فوك الجبل ؟ الثاني گلله: ياهيّه منهن؟ المغمضة لو المفتحة؟
253)كردي بالنجف ..شاف جنازه ، فراد يگول: انتم السابقون ونحن اللاحقون، مادبّرهه، فگال (انت يروح وبعدين انا يجى)
254) فد ولد واهسه بالبلاي ستيشن ، فلمّن مات أبوه كتب على گبرهGame Over
255) كردي لگه واحد نايم ويه مرته بالسرير كال له:كاكه.. لا تغشك ، تره ماتحبل.
257) ديچ معلگ بالصاله صورة بيضه كالوله: شنو هاي؟ كال: صورتي من جنت طفل
258) طفل لوتي گال له ابوه: ولك ليش المعلم كاتبلك حمار بالدفتر؟ گال: لا بابا هذا توقيعه
259) طبيب عيون شايل وردة بإيده ويحاچي حبيبته: شايفة الوردة هذى حياتى؟ گالتله أي حبيبي، گام حولها لايده الثانيه وكلهه: وهسه حياتي؟
260) نجفي دفان خلصت الحرب بعد ماكو جنايز هوايه، گلبه محل فواكه وكتب لافته (الموز حق)
261) واحد راح للدكتور كاله دكتور لما أحط ايدى على عينى ما أشوف شي.. راح الدكتور زرفله ايده.
263) كردي مرته جابت توم.. گلهه: تگلليلي منو أبو الثاني لو هسه أذبحچ؟
264) ام اربعه واربعين تزوجت ابو اربعه واربعين... گضوا ليلة الدخله كلها بس نزع قنادر.
265) فقير جوعان گال لواحد ناصريه أنطيني أي شي آكله جزاك الله خير.. گام إنطاه فاتح شهية.
266) دليمي اول مرة يركب سيارة ...اشتري فراري.. فتح الراديو گالت المذيعة هنا لندن .. گال أيباه...يلعن ابو السرعة.
267) چلب دايح بالشوارع شاف چلب بوليسي بباب مركز الشرطه..كال أيباه..بالله لو مخليني أهلي أكمل دراسه؟؟
268) دليمي راح للدكتور گال: دكتور.. انا كل مكان بجسمي أحسه يعورني..كشف عليه الدكتور لگه اصبعه مكسور.
269) ديچ بلع حباية فياغرا كام يفتر بالشوارع ويدگدك بالبيبان مال الناس يگول: ماكو دجاجة ..؟؟ حتى لو مجمدة؟؟
270) كردي بليلة الدخله ما عرف اشلون يبدى الكلام ويه عروسته گالها: اهلچ يدرون انتي تباتين عدنا اليوم؟
271) واحد ناصرية يرجم الشيطان وهو متلثم سألوه الناس ليش؟؟ گاللهم: يمكن أحتاجه فد يوم .
272) واحد يصلي بجماعه وچان أكو نسوان همينه يصلن.. المهم گال ولا الضالين ردو اااامين ..گال :أروح فدوه لهل الصوت
274) بدويه إستوها متعينه .. گالت لامها : يمه انا عندي دوره شهرين .... گالت لها امها: هذي مو دوره يا يمه هذا نزيف .
275) صرصر تزوج بكايه طلگها بعد اسبوع گالوله: ليش؟ گال: ذبحتني مص.
277) واحد احول سألوه إشتتمنى ؟ گال : بنفسي اشوف واحد يمشي بوحده .
278) دليمي بيده موبايل ويصيح: دوري زين الله يخليچ ..فمر من يمه واحد إستغرب من صياحه فاخذ الموبيل منه لگاه يگول:الرقم غير موجود بالخدمة.. الرقم غير موجود بالخدمة..
279) إثنين أنذال تراهنو منو الأنذل من الثاني ، فراح الأول ضرب رجال چبير يمشي بالشارع وگال للثاني شفت ما أنذلني؟؟ فگال له الثاني: مو أنذل مني... لأن هذا الرجال أبويه.
280) واحد تزوج وبعد شهر سأله زميله: ها.. شسويت؟؟ گال: ماجيتها گال زميله: ليش؟؟ گال: ياأخي والله احراج... مو اخوها صديقي.
282) مصري اشتغل بالسعوديه راعي غنم .. رجع لمصر سألوه أهله : كنت بتشتغل إيه .. گال : بافسح المعيز.
283) ناصريه أفرار عايش بغير مدينة تبرع لجيرانه بدم ... اليوم الثاني گام ذاك بلغ عليه .
284) ناصريه اشتغل بالدفاع المدني گام عبا خزانات الاطفاء بانزين بدال الماي .
285) شاعر بدوي محشش گال : أمس الضحى بالظهر فى الليل ونيت ....ونت مريضٍ مابه إلا الـــــعافيه......... وامس الصبح في العصر بالليل ضحكيت... ضحكة حزن فرحان من ضيق صدري.
286) شاعر يحب خدامة الجيران گال للبزون : يا هر يانايمن في وسط الاقذار ..... ماشفت خلي يوم ذب الزباله؟
287) طليان ثنين كاعدين.. الأول گال: ماااااااع.. الثاني گال سبحان الله هسة ردت اگولها..
288) واحد من المنصور تطوع للعسكريه سأله الضابط: شتگول اذا قابلت العدو ؟؟ گال أگوللهم: مأحبــــــــــكم.
289) واحد أمّه من الناصرية اخذ دبة الغاز يعبيها گاللها : إدعي لي يمّه، گالت : الله يفتحها بوجهك وليدي.
290) موبايل كردي مغلق : ان الرقم اللزي زربته ماموجود ممكين تدوق فد شيويه.
291) واحد محشش اتصل على ناس گال : هذا بيت سعد؟ قالوا لا .. .قال لهم : لعد ليش تردون.
292) عجوز تصلخت لواحد وگالت له شنو رايك بجسمي گال لها: زين ... بس ينرادله شوية كوي.
293) واحد ناصريه أتصل بيه جورج قرداحي ، گال له: معنا صديقك وصل نصف مليون ريال ومحتاج مساعدتك گال : گل له نايم.
294) صخله شافت طلي يبچي گالتله ليش تبچي؟ گالها راح يذبحوني گالتله: بعيد الشر... گال لا بعيد الاضحى.
296) كردي راح يعزي صديق بوفاة والده، سأله وين مكان الضربه بالمرحوم گال فوق عينه.. گال هم زين ماجت بعينه.
297) ناصريه فتح شركة بيبسي كتب عالبطل: رج القنينه جيداً قبل الاستعمال.
298) عجوز گاعدة ويه شايب بمطعم بالجادرية، گالت: احس بدفئ في صدري گللهه: اگول ؟؟....شيلي نهودك من الشوربة.
299) محشش سأل مرته : عندج طماطه وبصل وبتيته ودجاج ؟ گالت : اي عندي , گال: لعد سويلنه كيك.
300) سعدي الحلي أعلن التوبه، إجوّي يستفزوه، گالوله نحزرك حزوره فنك تعرفهه، شنو اللي يبدي بحرف (ط..) وينتهي بـ(..يز)؟ جاوبهم رأساً : طارق عزيز.
301) محشش كامش الدجاجه ويضرب بيها ويگول: يا بنت الكلب كل يوم بيض!! ماكو فد يوم جبن؟.. گيمر؟
302) محشش رجع للبيت متأخر ..مرته فتحتله الباب.. ضربها وگاللها وين ليهسه متأخره بت النعال؟
303) محشش يسوق تكسي .. أشّرت له بنيه ..وگف گال : وين تروحين؟ گالت: للشورجه گاللها: اوكي بس لتتأخرين.
304) محشش دخل محل گال لأبو المحل:عندك جگاير روثمن؟ گال له :لا.. راح للمحل اللي بصفـّه گال له: زين وإنته؟
306) طفل گال لمعلمته: تدرين ست شگد أني أحبچ..وبلكي أتزوجچ؟ فالمعلمه گالت :أي بس أني ما أحب الجهال.. رد عليها الطفل: مو مشكله ست .. ما راح نسوي جهال.
308) حشاش گال لصاحبه:من أحشش بعد ما أعرف أشتغل.. لذلك بطلت..گال له صاحبه:أها...يعني حضرتك هسه عاطل عن العمل؟
310) حشاش سأل أبو المخضر:عندك فاصوليه خضره؟ گال :لا والله خلصت گال: لعد شظل عندك يالون؟
311) قزم راد ينتحر چيّت من الرصيف.
312) قزم عطس ..طخ راسه بالگاع ومات.
313) دليمي بنه بيت مدوّر... گال لمرته:هم گولي بعد حابسني بين أربع حيطان؟
314) ثنين دليم يلعبون شطرنج.. الاول گال:هييييه.. كتلتك الحصان.. الثاني طلع شويه ورجع گال: وأني سممتلك الهوايش كلهن.
315) محشش راح للمطار يستقبل أبوه باس الجنطه وشال أبوه.
316) محشش عوّز .. دز إبنه يجيب عوازه.. أبنه انكمش بالطريق وأنحكم عشر سنين ..من طلع من السجن رجع للبيت تلگاه أبوه بالباب گال له: إبن الكلب وين صارلك ساعه ؟هوّه هنانه براس الشارع.
317) محشش بطياره نايم گال له اللي يمّه :يمعود الطياره راح تطيح..!! گال: وشنو يعني طيارة الوالد؟
318) متدين في قمّة الأدب يدك باب الثلاجه قبل لايفتحها.
320) عجوز هجموا عليهه حراميه راحت تدليهم على مكان الذهب والمجوهرات وهيه فرحانه، فلما باگوا كل شئ ورادوا يطلعون گالتلهم: وين ..؟ شنو ماكو إغتصاب؟؟
323) ابو بريص نايم بالمستشفى متكسر ، سألوه سلامات .. خو ماكو شي؟؟ گاللهم: والله كالعادة ..نعال.
324) صرصر راح يعزي بوفاة صرصر ..سأل أهله:شلون مات المرحوم؟ گالوا بذاك المرض اللعين...گال أيبااااه..هم بالشحاطه!!
325) صرصر بالأنعاش شاف صرصر لاخ جايبيه عالسديه گال له: ها أخي .. هم شحاطه؟..گال. لا والله بف باف.
326) دجاجة وديچ شافوا محل شاورمه دجاج.. گاللهه الديچ: شوفي!!.... هذا مصير اللي ماتسمع كلام زوجها.
327) دجاجه إنتحرت وكتبت على ورقه : خلّي( ماجي) ينفعكم..!!
328) طلي مغمّض ويصيح. ماع.. ماع.. گالوله ليش تغمض؟ گال حافظهه عالغيب.
330) هايشه وگفت گدام المرايه وگالت:والله حرام كل هذا الجمال وياخذه ثور.
331) حيّه تبچي ..گالولها :ليش؟؟ گالت خمس سنوات إمخيله عله عربيد وبالأخير طلع صونده.
332) واحد متعاجز حيل..راح للحلاق وگعد على الكرسي منزّل راسه.. گله الحلاق: شعر لو لحيه؟ گال:لا لحيه..گلله:طيب شيل راسك شويه..گال:لعد سويهه شعر.
333) واحد يشتغل بالستلايتات..طلع أبنه من الأوائل گال : لا مع الأسف راح يشفروه ..
334) دليمي گال لمرته الحضريه: شراح ناكل اليوم؟؟ گالتله: مسويه رجيم گال اي والله ماضايگهه.
335) دليمي يم صاحبته دك عليه الموبايل ..طلعت مرته.. گال عجيب شمدريهه أني هنا؟
336) دليمي گال لأبنه إذا _نجحت هالسنه أشتريلك رولز رايز وإذا زمال مثل كل سنه أخليك على الـ بي أم 2000 مثل الكلب.
337) دليمي راح يحج شاف الناس تشمر حجار گال: أيّباااااااه ....... لهنا وصلت إسرائيل؟
338) دليمي گال لصاحبه :بالله شوف ألاشاره مال السياره تشتغل ؟ فگال له صاحبه:إي .. لا.. إي.. لا.. إي.. لا .............
339) كردي دعم أثنين بسيارته واحد مات والثاني متكسر.. گام المتكسر يصيح.. گال له الكردي شبيك تصيّح أشو هذاك مات وكلشي ما گال.
340) أكراد ثنين مساجين خططوا يقتلون الحارس ويهربون راحوا شافوا الحارس ماموجود رجعوا گالوا: خربت الخطه
344) كردي يصبغ السقف بالبويه گالت له أمه: يمه خلي جريده جوه رجليك.. گال لا ماما ميحتاج... أنوش .
345) كردي گالوله الحگ مرتك تخونك بالبستان ويه صديقك.. راح ركض ورجع وره شويه گال:مناعيل الأهل هنّه شجرتين.. سووهن بستان..وچماله الولد طلع لا صديقي ولا أعرفه.
346) كردي گالو له شفنا واحد راكب ويه مرتك بالسياره ومرتك تسوق بسرعه طايره ،گال: لاتخافون عليهه .. شاطره بالسياقه.
__ 347) كردي فتح محل ثلج.. ماعرف شيسمّيه..كتب محل المياه اليابسه.
348) وراهه كتب إعلان على باب محله: يوجد لدينا ثلج بارد جداً.
349) بعد فتره من نجاح الاعلان كتب: ملاحظه.. المحل يفتح ليلاً ونهاراً ... فقط.
350) كردي گالوله شنو رايك إذا نوال الزغبي طلبت منك تنام وياهه؟ گال والله إذا مو كلش نعسان ما أگدر.
351) كردي يلعب برمانه يدويه.. گالوله :ماتخاف تنفجر؟ گال: عدنا هوايه بالبيت.
352) كردي خابرته صاحبته گالتله: تعال اليوم البيت فارغ.. ماكو أحد ببيتنا..طار من الفرح..راح لبيتها ركض..بالباب وگف گال :لعد أني شكو جاي إذا البيت فارغ وماكو أحد؟
353) كردي سألوه شتسوي اذا ردت تصيد أرنب ؟ گال: أقلد صوت جزر.
354) كردي راد يبدل الگلوب ركب على چتف مرته وگاللها يلله افتري.
355) كردي طلّع الصوبه ليبرّه البيت.. گالوله ليش؟؟ قال :مو برّه أبرد من جوّه.
356) كردي يسبح بالشط ويندعي: يا إلاهي لاتموتني لخاطر المره والجهال..صديقه سمعه گال له: لك يامره ياجهال؟ إنته يمته متزوّج..الكردي غمزله وعض له شفـّه.
357) كردي سكن بالرمادي گال له جاره: عود فنجان الگهوه مالتك يمي گال الكردي: أي والله يمكن واحد من الجهال شمره عليكم.
358) كردي گال للدكتور :دكتور كلما أشرب چاي عيني توجعني..گال له الدكتور :طيب كلما تريد تشرب الچاي وخّر الخاشوگه.
359) كردي شاف گشر موز بالشارع گال:أوهوووو..شلون شغله ؟ هم راح نزلگ!!
360) كردي وگع من جبل...صاح.إلحگوليييييييي..چيتوا الاكراد كلهم وراه.
361) سبعه أكراد سووا عصابه سموهه:(سي قهره ماني كان) أي الأبطال الثلاثه.
362) دليمي سأل أبو المحل:عندك تلفزيونات ملونه؟ گال له نعم.. گال فد واحد أزرك للجهال الله يخليك.
363) دليمي عنده أرق ميگدر ينام گالوله عِد للميه تنام .. وصل للخمسين نعّس.. گال: اگوم اغسل وجهي وأكمّل للميّه.
364) دليمي كمشله مصري يريد يبسطه.. گال المصري(سبني ياوله) گال له الدليمي(والله لانعل أبوك لابو الخلـّفك).
365) دليمي گال له أبوه روح إغسل وجهك راح يجونه خطار..گال وبلكي ما إجوا؟
366) دليمي حب يتغزل بمرته بالفراش گال لها:شايفه هذاك الگمر؟؟ گالت:إي.. گال :ريحة أباطاتچ واصله يمّه.
367) واحد لاخ هم گال لمرته شايفه الگمر ذاك؟ گالت نعم.. گال إببوكس واحد أوصلچ يَمّه.
368) دليمي أتصل بالأطفاء گاللهم:شنو إذا ماكو حريق منشوفكم يعني؟؟
369) طالب دليمي سأله المعلم:من هو النبي الذي كان يكلم الحيوانات؟؟ گال: سيدنا طرزان عليه السلام.
370) كرديه گالولها: الموضه هالسنه جلد طبيعي..طلعت للسوق مصلخه.
371) دليمي راد يتعرف عله بنيّه گاللهه:شسمچ؟ گالت:أسماء.. گال: أها..يعني مو إسم محدد؟؟
372) دليمي وكردي يتمشون بالمزرعه..الدليمي سأله:جاي تشوف هاذا ابو الزعر(نوع من الطيور) المصنگر مثل الصلّ فوك الشجره؟.. الكردي گال متعجب: زين شنو معنى كلمة شجره؟
373) دليمي سألوه: ششفت ببغداد؟ گال السفن أب.. گالوا شنو يعني ؟ گال بطل تفتحه لو تلحگ تشرب منّه لو لا.
374) دليمي شاف المصلحه أم طابقين ببغداد واگفه..داخ.. گال ياساتر اشلون حادث رهيب..شصعّدهه وحده عاللُخ ؟
375) دليمي شاف نافورات هواي ببغداد گال : حيل..!! شكثر بيهه بوريات طاگه.
376) دليمي شاف ببغداد قطعه مكتوب عليهه(دورة مياه) سأل اللي بالباب: گلي بروح أبوك شلون التسجيل بيه؟
377) دليمي سوّه معمل خل بالرمادي طلع كسر لإن طلعت إشاعه عليه أن الخل مالته عتيگ.
378) دليمي تعين بالأمن السري مال الكعبه شاف واحد يطوف گاله : شعندك ولك تفتر هنا؟
379) دليمي عرس سكتاوي حط كاسيت فارغ بالمسجل.
380) واحد من المدعوين عجبه الشريط طلب منه نسخه مسجله.
381) جيرانهم دك الباب حيل منزعج گاللهم :يأ أخوان نريد اننام متنصون صوت المسجل شويه.
382) دليمي راح للسليمانيه طب بالمطعم طلب تكّه بدون ملح وبدون شحم..گال له الكردي والله كاكا ماكوعدنه شحم أسويلكياهه بس بدون ملح؟
383) دليمي أشتره علچ أبو السهم ..صار الليل وهوه يعلچ.. گالوله نام.. گال: بالحرام.. ما أنام إلا أخلصه.
384) دليمي طگّت أموره بالتجاره جاب خدامه.. ثاني يوم تعاركت مرته ويه الخدامه.. گام عزل كل وحده ببيت.
385) دليمي واهسه بالتجاره سمع صديقه يگول: الخميس يوافق 15 ..گال واذا ضغطنه عليه شويه ميسويهه أقل؟
386) دليمي يطوف بالكعبه سمع الاذان سأل اللي يمّه گاله: بروح أبوك ماكو جامع قريب هنا؟
387) دليمي گال لجماعته: والله خدمات الحج بالسعوديه حيل محترمه وأنصحكم من تريدون تحجّون لا تروحون غير للسعوديه.
388) دليم ثنين يتناقشون الاول گال انا من اشرب الگهوه ما اگدر انام الثاني گال انا بالعكس من انام ما اگدر اشرب الگهوه.
389) دليمي اشتره لابنه حاسبه شال الصفر منهه گال حتى لتسجل عليّه مكالمات دوليه.
390) فيترجي اشتره چربايه ...نام جواهه وصاح على مرته: ناوشيني سبانه تلثطعش.
391) دليمي گال لابوه: بابا خل نروح لحديقة الحيوانات ابوه گال له: لاتستعجل ابني فد جم يوم همه يجون ياخذونه.
392) دليمي اشتره تكسي.. بالشارع يصيحون عليه تكسي تكسي.. گاللهم عمي ادري والله ادري.
393) فد واحد متعاجز تزوج وحده حامل گال والله لأن مالي خلگ لليلة الدخله.
394) دليميه قرت بجواز رجلهه مكتوب( رجل اعمال) گالت سواهه الكلب واتزوج عليه.
395) مصلاوي گال لجهاله اللي ينجح هالسنه اراويه سيارة الموطا.
396) مصلاوي گالوله: اذا بردت شتسوي؟ گال: ادني الصوبه يمي.. گالوا: واذا بردت حيل؟ گال : ادنيهه يمي حيل.. گالوا: واذا بردت حيل حيل حيل؟ گال اضطر اشعلهه.
397) مصلاوي بلع ربع حباية فياجرا گال :الليله بس بوس.
398) مصلاوي دز ابنه على تلث گرص خبز من رجع الابن گاله ابوه : بابا رجّع وحده امك ماتت.
399) مصلاوي أحترك بيته دك عالأطفاء مره وحده وسد التلفون.
400) تلث مصالوه نايمين بالغرفه ومشغلين البنكه على رقم خمسه..دخل أبوهم بالعصا يصيح:ياكلاب.. تلاثه ومشغلين البنكه عالخمسه؟
401) من معتقدات المواصله انه لازم واحد يسمّي قبل الأكل(يقول بسم الله)وإلا أكل ويّاه الشيطان..مصلاوي ما ياكل غير البرغل أربع سنين..أخر شي طلعله الشيطان گال له:أخي العزير..مو روحي طلعت من هالأكله..لو تغيرها.. لو تسمّي قبل الأكل.
402) دليمي گال لأبنه إذا تنجح اجيبلك مدرس خصوصي..
403) مدرس سأل طالب كردي گاله: أبوك شگد عمره گال ما أدري أستاد بس هوّه من زمان عدنه.
404) دليمي خابر صاحبه طلعله إبنه گاله: أبوك هنا؟ گال: نعم گال: عرفتني منو؟.. الأبن صاح.. بابا أكو واحد يريدك عالتلفون ميعرهوه منو.
405) دليمي سألوه عن عمره گال 30 وره عشر سنين سألوه گال 30 گالوا شلون ماكبرت؟ گال: الرجل كلمته وحده حتّه لو بعد ألف سنه.
406) دليمي يسوق تكسي ركبوا ثنين رايحين لملعب الشرطه گالوله:إذا ممكن نادي الشرطه الله يخليك.. گال: ليش متحلّوهه بيناتكم اخوان.
407) دليمي وگف يفوّل سيارته بالبانزين خانه..شاف بنات بسياره ثانيه..گال للعامل:بالله فوللي بعشرتالاف دينار بانزين.
408) صاحبه وياه بالسياره كردي گاله مادام راح تفوّل بهلگد أكيد راح تطول اروح للكشك اجيب عصير واجي شجيبلك وياي گال له: اللي يعجبك.. راح جاب عصير إله وقلم جاف لصاحبه.
409) دليمي عنده ضرس مأذيه حيل راح لطبيب الاسنان گال له أريدك تشلعلي كل سنوني وتخليه هذا بوحده مثل الكلب.
410) دليمي أشتغل مخرج تلفزيوني راح لأهله گاللهم سوولي راس بصل حلقات وانطوني الحلقه الأخيره.
411) دليمي سوه عملية رفع كليه فنجحت العمليه گال والله مدام هيچ لآكررها.
412) گالوا لدليمي :شنو رأيك بالموز؟ گال والله طيب لوما نوايته چبيره.
413) دليمي أشتره مرايه وباوع لروحه بيهه گال ياسبحان الله هالوجه موغريب عليه...صاحبه گال له أشو..أخذ المرايه وتباوع بيهه گال: لك هذا أني..
414) دليمي أشتره مرايه وتباوع لروحه بيهه گال ياسبحان الله هالوجه موغريب عليه...وين شايفه؟؟ وره شويه أخذله صفنه گال:أها.... يم الحلاق..
415) دليمي أشتره سياره شبح كتب عليهه تره: ميخوّف موعبالكم.
416) دليمي أشتره سياره حديثه گالوله شلونهه وياك؟ گال والله من الرمادي لبغداد سريعه لآن خمسه گير بس بالرجعه من بغداد للرمادي مو هلگد سريعه لآن بس گير واحد.
417) دليمي وگـّف تكسي گال له: فارغ؟ گال: نعم گال :متنزل نسولف شويه نگضي وكت.
418) لبناني يحج بمكه ..عطس گال له السعودي يرحمكم الله فرد عليه اللبناني: حبيب ألبي.
419) دليمي كمّل دراسه بالخارج ورجع لأهله شاف عدهم زمال .. گال :الحمد لله كمّلت دراسه من دونهم.
420) ثنين راجعين من بغداد للرمادي ..يم البانزين خانه نزل السايق يشتري ببسي والثاني راح يبول..السايق جاب الببسي ونسه صاحبه وراح للرمادي ..أهل ذاك خابروه: لعد فلان وين مارجع وياك؟.. گال أهوووو.. أگول إلمن الببسي الثاني؟
421) دليمي گال له أبنه: بويه إجازة السوق مالتي سقطت.. قال له أبوه:طبعاً.. من كثر دياحتك بالشوارع.
422) واحد من الناصريه سوه حفلة زواج.. وزع بطاقات بيهه الجمره الخبيثه.
423) واحد من الناصريه إشتغل مدير دار الأيتام..گاللهم راح أسوي أجتماع مجلس الآباء.
424) حرامي من الناصريه طب لبيت يبوك مالگه شي..خابر رقم بأمريكا وخله السماعه مرفوعه للصبح.
425) صرصر من الناصريه عزم جماعته عالعشه يمّه..أول ما إجوا..سحب السيفون عليهم.
426) كردي رادوا يعذبوه انطوه ورقه مكتوب عليهه من الوجهين (إقلب الصفحه)
427) برميل سأله لصاحبه:وين هالأيام؟ متنشاف؟ گال له: والله موفارغ.
428) كردي فتح باب السياره يريد ينزل شاف المطر قوي.. سدهه ونزل من الباب الثانيه.
429) دليمي گال لأبوه: بويه أريد (كيري).. گال له أبوه: والله ماتاخذ غير بت عمك.. گال له: بويه كيري جبنه.. گال أبوه: وبت عمك گيمر يبويه.
430) مصلاوي تزوج راح شهر العسل بوحده.
431) محجبه لابسه قصير.. گالولها: ليش؟ گالت: حتى أرضي الله وعباده.
432) سعدي الحلي حطوا بالمنتخب...فمره ديلعب.. أنفرد بحارس المرمى.. شفّـروا اللقطه.
433) سعدي الحلي شاف برنامج(وراء الحدث)..قال حته بهذي لحگونه؟
434) ثنين إعجوزچيه..واحد اتثاوب ..الثاني گال له: ميدام فتحت حلگك متصيحنا على ماي صارلي إسبوع عطشان.
435) كردي ويه صاحبته بالكازينو..أنگطع الكهرباء..گالتله: يلله إنتهز الفرصه....گام شرد بلا ميدفع الحساب.
436) كردي ديسوق دعم اللي گدامه..نزل ذاك گال له: شنو.. چنك ماشايفني؟ گال: والله شايفك.. بس ما أتذكر وين.
437) أحول إتزوج عله مرته...طلعت هيه نفسهه.
438) دليمي گال له إبنه: بويه لازم أدرس بالخارج..گال:وأخوتك وين يخرّون؟
439) كردي راح يشتري حشيشه.. شاف الشرطه بالشارع.. ذب الفلوس وأنهزم.
440) كردي سال أبوه: بابا منين چنتوا تشربون ماي گبل؟.. گال أبوه: من العيون إبني.. گال: بابا لعد ليش هسه من الحلوك؟
441) كردي انسرقت سيارته..ركض وراهه ورجع گال:هم زين أخذت رقمهه .
442) كردي سوه دعوة سرقة سيارته..گالوله:شگد رقمهه؟ قال : والله ثمنتالاف..ثمنتالاف وثمنميّه.. بهل حوالي.. المهم أقل من تسعميه.
443) كردي شاف واحد ويه مرته.. جر المسدس عليه..ذاك گال: لك كاكا هذي الكاميرا الخفيه.. الكردي گال:خره بعراضكم.. ماكو غيري؟.. هاي خامس مره تنكتون بيّه.
444) واحد جاب شاهد زور يشهدله بالمحكمه گال: أريدك تشهد أني اطلب فلان مليون دينار..گال له : ليش ليهسه ما سددهن؟
445) دليمي حب يتحارش بوحده وياه بالجامعه.. طخهه فوگعن كتبهه.. گام لمّلهياه كلهن.. گالت له: شكراً.. عذبناك.. گال: بالعكس.. لاعذاب ولا خره.
446) كردي حشاش دينظم ميزانية المصروفات گال:هاذي ألف للكهرباء.. هاذي للأكل.. هاذي للحشيشه.. اندگت الباب رأسأ.. وإذا الشرطه.. گام رأساً مزّك فلوس الحشيشه.
447) كردي صيدلي إجاه واحد گال له: عندك دوه للصراصير؟ گال له:خير شبيهن؟
448) شيخ جامع سكران..مرته حسّت بيه..گالتله:سكران؟ گال:لا..گالت زين أقرالي سورة(البقره) گال:بسم الله......لاباش كيري..لاباش كيري.
449) شيخ جامع خله( أنسر مشين ) مال تلفون.. كل اللي يخابر يگول له: الشيخ غير موجود.. أترك رساله بعد سماعك سورة البقره.
450) كردي خابر الشرطه گاللهم:أكو حادث بيه خمسين سياره مگلوبه.. إجوا لگوه يخابر من يم السكراب مال كسره وعطش.
451) كردي دخل عالمُلاّ رافع أصبعين(علامة النصر)..گال الملاّ: ها إنتصرنا؟ گال: لا بقينا بس إثنين.
452) كردي محشش كمشوه الشرطه گالوله : تفضل بالسياره ويانه..گال:لا شكراً بيتي قريب.
453) كردي زعلان ويه عائلته..دزلهم رساله فارغه.
454) كردي گال لمرته: اليوم تخرجت من الكليه.. گالتله: ليحسدوك عله ذكاءك.. دُك الخشب.. گام دك عالقنفه.. گالت: منو؟.. گالهه:گعدي إنتي..... أني أفتح.
455) شيخ جامع دخل على جماعه يحششون.. گاللهم: حرام عليكم.. گالوله كلهم: وعليكم الحرام ورحمة الله شيخنا.
456) دليمي گالوله شنو أصعب موقف بحياتك؟.. گال من ازين لحيتي وأني أعلچ.
457) واحد عجزان.. أسبوعين واگع بحفره يصيح محد يطلعه.. أخير شي گال: أيست من البشر أطلع بوحدي.
458) اللاخ هم عجزان .. گل لمرته: خططي ظهري مربعات ورقميهه من الواحد للميه وحكيلي رقم 72
459) دليمي ديمشي عالجسر ويگول: أيباه غير بالكونه ضخمه!!
460) دليمي شاف وحده تستعمل الشسوار.. گال: وإحنه ليهسه بالرمادي نگصع الگمل بدينه.
461) مصري يگل لدليمي: إنته بتستعبطني ولآ إيه.. الدليمي گله: أسطع بطنك وبطن الخلـّفوك.
462) كردي راح لطبيب عيون گالّه: دكتور من أغمض بعد مأ أشوف...
463) شروگي طلعله بيت بالجنه.. فلّشه وسواه دكاكين.
464) دليمي سألوه: إشگد كلفتك الروحه للحج؟ گال: خمسطعش ورقه غير المشروب والكاولية.
465) محشش يگل لصاحبه:
الرجوع الى أعلى الصفحة اذهب الى الأسفل
http://animelovers.ak.com
 
نكت عراقية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات عشاق الانمي :: القسم العام :: قسم أضحك من قلبك-
انتقل الى: